ہ – صفحہ 11

جلیل عالی

ہم کہ اک عمر چُراتے رہے آنکھیں جن سے اُن سوالات نے اب حشر مچایا ہوا ہے

ہم اہلِ ہجر کو صحرا ہی ایک رستہ تھا اب اس طرف سے بھی خلقِ خدا گزرتی ہے

ہم نے تو یہ بھی نہ جانا کہ چمن ہے کیا چیز اپنے ہی حال میں کچھ ایسے گرفتار رہے

ہاں ہوشیار، چشمِ فسوں کار ہوشیار دل کو تری نگاہ کے انداز آ گئے

ہے کہاں تمنّا کا دوسرا قدم یا رب ہم نے دشتِ امکاں کو ایک نقشِ پا پایا

ہوا میں اُڑتا ہوا رزق پا لیا، لیکن پرندے جراتِ پرواز چھوڑ آئے ہیں

ہماری جان کے پیچھے پڑا ہے دلِ ناداں کو سمجھائیں کہاں تک

ہر ایک چیز ہے گھر میں ہماہمی کم ہے جو تم نہیں ہو تو ہنگامہء خوشی کم ہے

ہم ایسے لوگ طلب کے قمار خانے میں حیات بیچ کے جو کچھ ملا وہ ہار آئے

ہر نئے چہرے کے ساتھ اک آرزو جاتی رہی گم ہوئیں چیزیں مری نقل مکانی میں بہت