بیت بازی – صفحہ 229

مجید امجد

سلام اُن پہ، تہِ تیغ بھی جنھوں نے کہا جو تیرا حکم، جو تیری رضا، جو تو چاہے

ہم ایسے بھی گئے گزرے نہیں ہیں ہمارے ساتھ یہ کیا ہو رہا ہے

استخواں کانپ کانپ جلتے ہیں عشق نے آگ یہ لگائی ہے

سُن رہا ہو نہ کوئی چُپکے سے بات کرتے ہُوئے گھبراتے ہیں

وہ ایسے ڈھونڈنے نکلے ہیں، باقی! محبت جیسے رستے میں پڑی ہے

ملّاح سرفگندہ، مسافر تھکے ہوئے اُتریں گے کیسے پار، ہوا سامنے کی ہے

تکبر سے کمر کوزہ ہوئی ہے آسماں کی زمیں کو خاکساری نے جواں رکھا ہوا ہے

دیکھا نہ ہمیں تُونے خط و خال سے آگے اِک شہر تھا، اِس شہرِ مہ و سال سے آگے

صبح تک جن سے بہت بے زار ہو جاتا ہوں مَیں شام ہوتے ہی انھیں گلیوں میں کھو جاتا ہوں مَیں

دُور خاموش بیٹھا رہتا ہوں اس طرح حال دل کا کہتا ہوں