شاہین – صفحہ 3

شاہین عباس

شہر کے شہر کر دیے مسمار اپنا خلوت کدہ بناتے ہوئے

اوپر جو پرند گا رہا ہے نیچے کا مذاق اڑا رہا ہے

یہ وقت کا خاص آدمی تھا بے وقت جو گھر کو جا رہا ہے

عمر بھر ہم نے فنا کے تجربے خو د پر کئے عمر بھر میں عالمِ فانی کا اندازہ ہوا

تم نے کیا بات کاٹ دی تھی مری گھر میں آتا رہا گلی کا شور

گم شدہ شخص تھا سو میں پایا گیا وہیں کہیں خواب کی لو جہاں پڑی، خاک کا رخ جدھر ہوا

میں ہوا تیرا ماجرا ، تُو مرا ماجرا ہوا وقت یونہی گزر گیا ، وقت کے بعد کیا ہوا

خاک پر خاک اُڑا ئی ہے ، محبت کی ہے شہر کو شہر کی تعمیر سے پہچانا ہے

پہلے تو مٹی کا اور پانی کا اندازہ ہوا پھر کہیں اپنی پریشانی کا اندازہ ہوا

لوگ گلی گلی سے اب، پوچھ رہے ہیں ، کیا ہوا پکڑا گیا تھا ، کیا کروں ، شوق تھا یہ گڑھا بھروں