بیت بازی – صفحہ 222

اصغر گونڈوی

ترا جمال ہے، تیرا خیال ہے، تُو ہے مجھے یہ فرصتِ کاوش کہاں کہ کیا ہوں مَیں

عمر بھر روح کی اور جسم کی یک جائی ہو کیا قیامت ہے کہ پھر بھی نہ شناسائی ہو

عروسِ لالہ! مناسب نہیں ہے مجھ سے حجاب کہ مَیں نسیمِ سحر کے سوا کچھ اور نہیں

دمک رہا ہے جو نَس نَس کی تشنگی سے بدن اِس آگ کو نہ ترا پیرہن چھپائے گا

جہاں تہاں مرے ٹکڑے بکھرتے جاتے ہیں بُرا نہیں یہ مرا انتشار میں ہونا

کر دیا شدتِ احساس نے پتھر، توصیف کوئی روتا ہے تو اب دل نہیں دُکھتا میرا

گرفتاری پہ میری بس کہ آہن گریہ کرتا ہے رواں ہوتا ہے چشمِ حلقۂ زنجیر سے پانی

زندگی کیا ہے عناصر میں ظہورِ ترتیب موت کیا ہے انھیں اجزا کا پریشاں ہونا

وصل و ہجراں میں تناسب راست ہونا چاہیے عشق کے ردِ عمل کا مسئلہ چھیڑوں گا مَیں

مسلسل غور کرنے سے کوئی بھی چیز ہو، اس میں دکھائی دینے لگتا ہے خدا ، آہستہ آہستہ