م – صفحہ 16

محمد عابد دل عظیم آبادی

مستوں کو ستا کے شیخ صاحب کیا اپنے خدا سے پائیے گا

میں ہوں وحشت میں گم میں تیری دنیا میں نہیں رہتا بگولہ رقص میں رہتا ہے صحرا میں نہیں رہتا

مثالِ نے ہے مرے جب تلک ہے دم میں دم فغاں ہے میرے لیے اور میں فغاں کے لیے

مری طرح سے مہ و مہر بھی ہیں آوارہ کسی حبیب کی یہ بھی ہیں جستجو کرتے

میں کیسے اپنے توازن کو برقرار رکھوں قدم جمائوں تو سانسیں اکھڑنے لگتی ہیں

مصلحت کا یہی تقاضا ہے وہ نہ مانیں تو مان جاؤ تم

موقوف دیکھنے ہی پہ ہے کیا بیاں کروں ناصح جو کچھ بہار ہے دیوانہ پن کے بیچ

مَیں کس طلب میں ہوا ہوں زمین سے بے دخل فلک کے پار مجھے کون سی صدا لائی

مجھ سا بدمست کوئی رندِ قدح نوش نہیںکب بہار آئی تھی اتنا بھی یہاں ہوش نہیں

محبت کے لیے کچھ خاص دل مخصوص ہوتے ہیں یہ وہ نغمہ ہے جو ہر ساز پر گایا نہیں جاتا