خ – صفحہ 3

خواجہ حیدر علی آتش

بے نیازی سے فریب اے بتِ طناز نہ دے ہم نہ مانیں گے خدا صورتِ انساں ہو گا

خاک زادوں سے تعلق نہیں رکھتے کچھ لوگ میزبانی سے غرض اُن کو نہ مہمانی سے !

خون للکارتا ہے بڑھ بڑھ کر صاف آواز آ رہی ہے مجھے

خاک پر خاک اُڑا ئی ہے ، محبت کی ہے شہر کو شہر کی تعمیر سے پہچانا ہے

خدا کا شکر کہ رزقِ پرندگاں کے طفیل سعود مجھ کو بہت آب و دانہ ملتا ہے

خدا کرے کہ سنے تو زبانِ خاموشی ترے پڑوس میں کچھ بے زبان رہتے ہیں

خیالِ خاطرِ احباب اور کیا کرتے جگر پہ زخم بھی کھائے شمار بھی نہ کیا

خول چہروں پہ چڑھانے نہیں آتے ہم کو گاؤں کے لوگ ہیں ہم شہر میں کم آتے ہیں

خود تمہیں چاکِ گریباں کا شعور آ جائے گا تم وہاں تک آ تو جاؤ ہم جہاں تک آ گئے

خلاؤں میں بکھر جاتی یہ دنیا تو ذرّوں میں توانائی نہ ہوتی