بیت بازی – صفحہ 169

واجد امیر

یہ پگڑیاں ملی ہیں وراثت میں!یعنی تُم سردار اس لیے ہو کہ سردار مر گئے

دشتِ ہنر میں دیوانے آسانی سے کب ملتے ہیں ملتے بھی ہیں تو حامد یزدانی سے کب ملتے ہیں!

شاید انھیں بہ طرزِ فسانہ کوئی سنائے کہتے ہیں اپنا حال ہر اک قصہ خواں سے ہم

تو ہے مُلا تری بلا جانے عاشقی میں جو کچھ کہ ہوتا ہے

مرے واسطے مت اٹھا ہاتھ زاہد کہ تیری دعا کا اثر جائے گا

آپ کیوں ہنسنے لگے ہیں بے طرح میں تو سودائی ہوا پاگل ہوا

نالوں سے میں نے آگ لگا دی جہان میں صیاد جانتا تھا فقط مشتِ پر مجھے

مجھے ہے شب خوں کی فکر لیکن انھیں ہلاکت کا ڈر نہیں ہے مرے قبیلے کے لوگ سوتے ہیں اور شب بھر میں جاگتا ہوں

راستے روشن ہیں، آثارِ سفر معدوم ہیں بستیاں موجود ہیں، دیوار و در ملتے نہیں

جتنے اربابِ جنوں اتنے ہی اندازِ فغاں ایک سے ایک کی ملتی نہیں آواز کبھی