بیت بازی – صفحہ 74

محسن اسرار

مشہور ہے دروازے پہ دستک کی کہانی دیوار میں در ہونے کا قصہ کسے معلوم

یہ حسرت رہ گئی کیا کیا مزے سے زندگی کرتے اگر ہوتا چمن اپنا گل اپنا باغباں اپنا

مت کرو شمع کوں بدنام جلاتی وہ نہیں آپ سیں شوق پتنگوں کوں ہے جل جانے کا

کسی کے لب پہ چراغِ دعا نہیں جلتا ہر ایک شخص کی جیسے زبان کالی ہے

ہذیان بک رہا ہوں سخن کے بجائے میں تنبیہ کر رہا ہوں کہ مجنوں سنے مجھے

اُن کو پانے کی تمنا نہیں جاتی دل سے کیا منور ہیں ستارے مری تابانی سے ؟

فقیروں سے سنا ہے ہم نے حاتم مزا جینے کا مر جانے میں دیکھا

نہ کہو یہ کہ یار جاتا ہے دل سے صبر و قرار جاتا ہے

کون سے زخم کا کھلا ٹانکا آج پھر دل میں درد ہوتا ہے

اب کے جنوں میں فاصلہ شاید نہ کچھ رہے دامن کے چاک اور گریباں کے چاک میں