و – صفحہ 3

حسین علی تاسف

واں تامل ہے اس کو آنے میں یاں نہیں دیر جان جانے میں

واعظ ہمارے آگے مذمت شراب کی کیا خوب نشہ ہم نے کیا تو بہک گیا

وصل ہے پر دل میں اب تک ذوقِ غم پیچیدہ ہے بلبلا ہے عین دریا میں مگر نم دیدہ ہے

وائے غفلت کہ ایک ہی دم میں مَیں کہیں اور کاروان کہیں

وہ آنکھ جس کے لیے میں اُداس رہتا ہوں بھری ہوئی ہے کسی اور ہی نظارے سے

وہیں دھرے ہیں جنازے قطار میں شہزاد جہاں میں روز دیے سے دیا جلاتا تھا

وہ آ گیا تو جیسے سبزے میں جان آئی دوڑی رَمق ہَوا کی ساکت صنوبروں میں

وہ ہے مختار، سزا دے کہ جزا دے فانی دو گھڑی ہوش میں آنے کے گنہگار ہیں ہم

وہ کہ خوشبو کی طرح پھیلا تھا میرے چار سو میں اُسے محسوس کر سکتا تھا، چھو سکتا نہ تھا

وجہ ِ بے گانگی نہیں معلوم تم جہاں کے ہو، واں کے ہم بھی ہیں