الف – صفحہ 11

جذب عالمپوری

ابھی لفظ ایسا بنا ہی نہیں ہے جو میرے فسانے کا عنوان ہو گا

اظہار کی اُلجھن نے تراشے نئے بندھن ہر صوت کو ہم صورتِ الفاظ کیا ہے

ایک ہی کھڑکی بھاتی ہے ہم دونوں کو ایک گلی کے ہم دونوں خیراتی ہیں

اس سے بڑھ کر کوئی محتاج نہیں ہو سکتا گر کے جو شخص سنبھلنے کا ارادہ نہ کرے

اس لیے تیری کہانی سے ہوں باہر مجھ سے اک کردار بہتر آ گیا تھا

اب تو وہ لوگ بھی ملنے کو چلے آتے ہیں بات کرنے کو جو تیار نہیں ہوتے تھے

ایک مدت سے خموشی کا ہے پہرہ ہر سو جانے کس اور گئے شور مچانے والے

ان سرابوں میں کہاں پانی تھا موجۂ ریگِ رواں پانی تھا

اے رہگزر کی ہوا! گھر مجھے پہنچنے دے دیا جلانا ہے، آئینہ صاف کرنا ہے

ایک ہی کہانی ہے قصہ گو کے کیسہ میں قصہ گو کے لہجوں سے رخ بدلتا جاتا ہے