بیت بازی – صفحہ 197

آشفتہ چنگیزی

چلے چلیں گے زمانے کے ساتھ بھی اک دن قبول کرنا پڑے گی یہ مات بھی اک دن

ثابت قدم عجیب ہیں، آنکھیں تری شبیہ سے خالی ہوئیں تو روح میں بھر کے اُمنگ آ گئے

دیوانے ہی وحشت سے منسوب نہیں ہیں ایسی باتیں ہم بھی اکثر کر دیتے ہیں

میں یہاں آخری مسافر ہوں اک نظر دیکھ لوں سرائے کو

میں ازرہِ خلوص و وفا اُس کے ساتھ ہوں جو ازرہِ خلوص و وفا میرے ساتھ ہے

اُس کے آنے میں اب جو دیر ہے کچھ یہ بھی قسمت کا ہیر پھیر ہے کچھ

مَیں اپنے آپ سے ڈرنے لگا تھا گلی کا شور گھر میں آ گیا تھا

چین کی نیند سویا کرتا تھا خود سے جب رابطہ نہ تھا میرا

عجب کہ روز اندھیروں سے نور کاڑھتا ہوں فغاں کی رات ہوئی فاش، راز کوئی نہ تھا

غزل کی نوکری میں مجھ کو سیفی بہت کم فائدہ، گھاٹا بہت تھا