ہ – صفحہ 9

عقیل اختر

ہم نے اک درجۂ حیرت میں تجھے پایا تھا اور اک درجۂ حیرت میں گنوا بیٹھے ہیں

ہجرت ِخانہ بدوشاں بھی کوئی ہجرت ہے ہم تو ویرانے میں آئے کسی ویرانے سے

ہمارے حال پہ ہے ان دنوں خدا کا کرم اور آپ لوگ خدا کا کرم سمجھتے ہیں

ہم فلک زاد بھی ان سبز زمینوں پہ صہیب ایسے اترے ہیں کہ پھر نقل مکانی سے گئے

ہر اک مقام پہ اچھی نہیں ہے با خبری کہیں کہیں تو ضروری ہے بے خبر ہونا

ہر ایک غم ہے تر و تازہ پہلے دن کی طرح امانتیں کوئی یوں بھی سنبھال کے دیکھے

ہم نے رو رو کے رات کاٹی ہے آنسوئوں پر یہ رنگ تب آیا

ہرشے ہے یہاں صورتِ مہتاب افق تاب اس رات کے پردے میں نہاں کچھ بھی نہیں ہے

ہمارے خواب شکستہ ظروف کے مانند حویلیوں کے عقب میں پڑے ہوئے ہیں یہاں

ویرانی کی گرد چھٹے اور تو آئے تو آئے اور ایک نئی ویرانی ہو