بیت بازی – صفحہ 88

اکبر الہ آبادی

نا تجربہ کاری سے واعظ کی یہ ہیں باتیں اس رنگ کو کیا جانے پوچھو تو کبھی پی ہے

کیا خبر تھی جو مری جاں میں گھلا ہے اتنا ہے وہی مجھ کو سر دار بھی لانے والا

ہر ایک شہر الگ ہے ہر ایک دشت الگ پہ ایک جیسی تپسیا نگر نگر کچھ ہے

مری تشنہ لبی غازی کسی صورت نہیں جاتی وہ لب ٹِھٹھرے ہوئے لب ہیں، وہ چہرہ برف بستہ ہے

کوئی تو ہوگا جسے دیکھنے گئے ہو گےوگرنہ تم تو محافل سے دور بھاگتے تھے

زندگی مشکل تھی لیکن اس قدر مشکل نہ تھیآنگنوں میں شب اترتی تھی سحر مشکل نہ تھی

سر سے پا تک وہ گلابوں کا شجر لگتا ہے باوضو ہو کے بھی چھوتے ہوئے ڈر لگتا ہے

دوستی جب کسی سے کی جائے دشمنوں کی بھی رائے لی جائے

دوست بن کر بھی نہیں ساتھ نبھانے والا وہی انداز ہے ظالم کا زمانے والا

اگر تو اتفاقاً مل بھی جائے تری فرقت کے صدمے کم نہ ہوں گے