قابل اجمیری

راہ پرخار ہے اور رات اندھیری قابلؔ دور تک کوئی چراغِ رخِ زیبا بھی نہیں

ہم بے کسوں کی بزم میں آئے گا اور کون آ بیٹھتی ہے گردشِ دوراں کبھی کبھی

احباب کے فریبِ مسلسل کے باوجود کھنچتا ہے دل خلوص کی آواز پر ابھی

بہت ہیں میکدے میں لڑکھڑانے جھومنے والے وقارِ لغزشِ پیرِ مغاں کچھ اور ہوتا ہے

بے کسی سے بڑی امیدیں ہیں تم کوئی آسرا نہ دے جانا

ہمیں بھی شہرِ نگاراں میں لے چلو یارو کسی کے عشق کا آزار ہم بھی رکھتے ہیں

میخانہ بھی اک کارگہِ شیشہ گری ہے پیمانہ کہیں ٹوٹ کے تلوار نہ ہو جائے

ہم بدلتے ہیں رخ ہواؤں کا آئے دنیا ہمارے ساتھ چلے

کیا ہوا ہم کو اگر دو چار موجیں چھو گئیں ہم نے بدلا ہے نہ جانے کتنے طوفانوں کا رخ

لوگ لے آتے ہیں کعبہ سے ہزاروں تحفے ہم سے اک بت بھی نہ لایا گیا بت خانے سے