Tag: hafeez

سب کا پیرایہء اظہار بدل جاتا ہے منہ میں لقمہ ہو تو پندار بدل جاتا ہے گام دو گام پہ ہوتی ہے جب اپنی نصرت تو ہمارا سپہ سالار بدل جاتا ہے جب کبھی ہم کسی معیار پہ پورے اتریں ایسا ہوتا ہے وہ معیار بدل جاتا ہے اتنے یکساں ہیں مری قوم کے سب معمولات صرف تاریخ سے اخبار بدل جاتا ہے میں سمجھتا ہوں شفایاب ہُوا ہوں لیکن چارہ گر بس مِرا آزار بدل جاتا ہے

حسن ایسا کہ جو سب کو نظرآنے کا نہیں عشق اِتنا کہ مِرے دل میں سمانے کا نہیں بات ہے اور زباں پر نہیں لانے والی راز ہے اور کسی سے بھی چھپانے کا نہیں جی میں آتی ہے کہ    لَے اور اٹھا تا جاؤں اور یہ گیت کسی کو بھی سنانے کا نہیں آپ سودائی ہیں تو شہر میں وحشت کیجے یہ اثاثہ کسی صحرا میں لٹانے کا نہیں آپ ہی اپنے لیے گوشہءعا فیّت ہُوں خود سے نکلوں تو کسی اور ٹھکانے کا نہیں

کسی گماں کسی امکان پر تو لکھوں گا میں رحلِ شب پہ بھی ناِم سحر تو لکھوں گا فگار انگلیاں ہو یا پھٹی ہوئی آنکھیں میں لکھنے والا ہوں تازہ خبر تو لکھوں گا کہانیوں سے میں آنکھیں چراؤں گا کب تک؟ چلو زیادہ نہیں ، مختصر تو لکھوں گا سلگ رہاہے تہ ِ فکر جو خیال اسے میں آگ کر نہیں پایا شرر تو لکھوں گا جو میرے قلب سے ابھرا ، نظر میں ٹھہرا ہے یہ ماہتاب کسی چرخ پر تو لکھوں گا ابھی تو دشتِ نظر میں…

ہوئے ہجرت پہ مائل پھر مکیں آہستہ آہستہ بہت سی خواہشیں دِل سے گئیں آہستہ آہستہ ہَوا اس سانحے میں غیر جانبدار نکلی، سو دھوئیں کی ایک دو موجیں اٹھیں آہستہ آہستہ مجھے ماہِ منور نے بہت اْلجھائے رکھا، اور سمندر کھا گئے میری زمیں آہستہ آہستہ مری آنکھیں گماں کے سِحر میں ہی تھیں مگر دل میں نمو پاتا گیا سچا یقیں آہستہ آہستہ بڑی تیزی سے چلتا آ رہا تھا اپنی جانب میں کہ دل سے اک صدا آئی ’’ نہیں!آہستہ آہستہ‘‘ میں اب آئندہ کے پھیلاؤ کو…