رخسانہ صبا

سنا ہے اہلِ دل نایاب ہوتے جارہے ہیں سو ہم بھی رفتہ رفتہ خواب ہوتے جارہے ہیں

نذیر قیصر

ستارہ ایک سرائے پہ آ کے ٹھیر گیا دعا تمام ہوئی، راستہ تمام ہوا

سانس لینا محال ٹھہرا ہے تیری محفل میں لوگ اتنے ہیں

ساتھ تنہائی بھی گھبرا کے نکل آتی ہے ہم گھڑی بھر کو جو دالان میں آ بیٹھتے ہیں

سب کہے دیتی ہے اشکوں کی روانی افسوسراز دل میں ہے کہ چھلنی میں ہے پانی افسوس

سنتا رہتا ہوں مسلسل خواہشوں کی دستکیں سوچتا رہتا ہوں شاید پھر کوئی آواز دے

سامنے معدوم ہوتی منزلوں کی ہاؤ ہُو مڑ کے دیکھوں تو ہجومِ رفتگاں ہے میرے ساتھ

سکونِ دل کی تمنا سے فائدہ قابلؔ نفس نفس غمِ جاناں کی داستاں ہے ابھی

سیل آنسو کی بہی جاتی ہے دل کی تعمیر ڈھہی جاتی ہے

سمجھتے کیا تھے مگر سنتے تھے ترانہِ درد سمجھ میں آنے لگا جب تو پھر سُنا نہ گیا