ش – صفحہ 3

حمیدہ شاہین

شاید پیچھے آنے والے ہم سے بہتر دیکھیں ہم نے کچھ دروازے کھولے ، کچھ پردے سرکائے

شام ہوتے ہی آ گیا مہماں رات کٹنے کا اب نہیں امکاں ۔۔۔۔۔۔۔۔۔۔۔۔۔۔ مجموعہ کلام: اجالوں کا سفر اردو فائونڈیشن ممبئی ۲۰۱۳ء

شکریہ آپ کے اس گوشہِ دامن کا، مگر اشک شوئی سے کہیں درد بھی کم ہوتا ہے

شارحِ حالِ دل سمجھ مجھ کو درد ہی درد ہو گیا ہوں مَیں

شاید آجائے کوئی تازہ ہوا کا جھونکا مَیں نے اِس آس میں دروازہ کھلا رکھا ہے ۔۔۔۔۔۔۔۔۔۔۔۔۔۔۔۔۔۔۔۔ مجموعہ کلام: آگ میں پھول

شام ہے اور سرخ پیڑوں کے دہکتے سائے ہیں نیند میں بہتا ہوا دھارا ہے جوئے آب کا

شب، کون تھا یہاں جو سمندر کو پی گیا اب کوئی موجِ آب نہ موجِ سراب ہے

شمعِ دل تو جلا کے دیکھ مجھے تیری منزل کا سیدھا رستہ ہوں

شکر کر حجرۂ تنہائی میں بیٹھے ہوئے شخص خود سے ملنے کی یہ مہلت بھی نہ ہو تو کیا ہو

شور بھی ہے سناٹا بھی دل جیسی ہے دنیا بھی