دھوپ نے گزارش کی
ایک بوند بارش کی
لو گلے پڑے کانٹے
کیوں گلوں کی خواہش کی
جگمگا اٹھے تارے
بات تھی نمائش کی
اک پتنگا اجرت تھی
چھپکلی کی جنبش کی
ہم توقع رکھتے ہیں
اور وہ بھی بخشش کی
لطف آ گیا علوی
واہ خوب کوشش کی
محمد علوی … دھوپ نے گزارش کی
Related posts
-
قابل اجمیری
مرے گناہِ نظر سے پہلے چمن چمن میری آبرو تھی مجھے شعورِ جمال آیا تو گلعذاروںنے... -
نظر امروہوی
مَیں شریکِ رونقِ ہر انجمن تھا، کل تلک آج میرے شہر میں کوئی نہ پہچانا مجھے -
مرزا غالب
بات پر واں زبان کٹتی ہے وہ کہیں اور سنا کرے کوئی