شہریار

سرخ پھولوں سے مہک اٹھتی ہیں دل کی راہیں دن ڈھلے یوں تری آواز بلاتی ہے ہمیں

فراق گورکھپوری

سو درد اک تبسمِ پنہاں میں بند ہیں تصویر ہوں فراق حیات و ممات کی

سفر تمام ہوا، آخری پڑاؤ ہے بچھڑنے والے! ترا نام پوچھ سکتا ہوں

سدا عیشِ دوراں دکھاتا نہیں گیا وقت پھر ہاتھ آتا نہیں

سب کہکشائیں دُھول ہوئیں دَھن کی دھوپ میں دل کے افق سے خواب ستارہ نہیں گیا

سماعتوں کے لیے راز چھوڑ آئے ہیں ہم اس کے شہر میں آواز چھوڑ آئے ہیں

سُن رہا ہوں دل سے نغموں کی صدا دوست سے ملتی ہوئی آواز ہے

سنا ہے اہلِ دل نایاب ہوتے جارہے ہیں سو ہم بھی رفتہ رفتہ خواب ہوتے جارہے ہیں

ستارہ ایک سرائے پہ آ کے ٹھیر گیا دعا تمام ہوئی، راستہ تمام ہوا

سانس لینا محال ٹھہرا ہے تیری محفل میں لوگ اتنے ہیں