فرصت نہ ملی کارِ جہاں بانیِ دل سے اترے نہ کبھی تختِ سلیمانیِ دل سے کیا سرووسمن سیر کرے باغِ جہاں کے حیراں ہے جو یک غنچہ گلستانی ِ دل سے لوگو ابھی کچھ وقت ہے،چاہو تو بدل لو دربانیِ دنیا کو نگہبانی ِ دل سے ہے سنگِ تہِ آب ، ہمالہ ہو کہ جودی زخَاری و موّاجی و طغیانیِ دل سے ہاتھ آئے جو قسمت سے وہ گنجینۂ خوبی چھٹ جائیں ہم اس بے سروسامانیِ دل سے دنیا کی طرف دیکھ کے خوف آتا ہے مجھ کو معموریِ آفاق…
Read MoreCategory: آج کی غزل
سلیم طاہر… زخم جب لہجے کی تلوار سے لگ جاتے ہیں
زخم جب لہجے کی تلوار سے لگ جاتے ہیں ہم ، الجھتے نہیں، دیوار سے لگ جاتے ہیں بعض اوقات تو ، گاہک نہیں ملتا کوئی بعض اوقات تو بازار سے لگ جاتے ہیں جب سر ِ راہ ، زمانہ نہیں چلنے دیتا ہم پلٹتے ہیں در ِ یار سے لگ جاتے ہیں
Read Moreحبیب جالب ۔۔۔ اِس شہرِ خرابی میں غمِ عشق کے مارے
اِس شہرِ خرابی میں غمِ عشق کے مارے زندہ ہیں یہی بات بڑی بات ہے پیارے یہ ہنستا ہوا چاند ، یہ پُر نور ستارے تابندہ و پائندہ ہیں ذروں کے سہارے حسرت ہے کوئی غنچہ ہمیں پیار سے دیکھے ارماں ہے کوئی پھول ہمیں دل سے پکارے ہر صبح مری صبح پہ روتی رہی شبنم ہر رات مری رات پہ ہنستے رہے تارے کچھ اور بھی ہیں کام ہمیں اے غمِ جاناں کب تک کوئی اُلجھی ہوئی زلفوں کو سنوارے
Read Moreامجد اسلام امجد … ایک آزار ہوئی جاتی ہے شہرت ہم کو
ایک آزار ہوئی جاتی ہے شہرت ہم کو خود سے ملنے کی بھی ملتی نہیں فرصت ہم کو روشنی کا یہ مسافر ہے رہِ جاں کا نہیں اپنے سائے سے بھی ہونے لگی وحشت ہم کو آنکھ اب کس سے تحیر کا تماشا مانگے اپنے ہونے پہ بھی ہوتی نہیں حیرت ہم کو اب کے امید کے شعلے سے بھی آنکھیں نہ جلیں جانے کس موڑ پہ لے آئی محبت ہم کو کون سی رت ہے زمانے میں ہمیں کیا معلوم اپنے دامن میں لیے پھرتی ہے حسرت ہم کو…
Read Moreآنند نرائن ملا ۔۔۔ ترک ہر رسم کرو وجہ یہ کافی تو نہ تھی
حفیظ ہوشیارپوری ۔۔۔ اب کوئی آرزو نہیں ذوقِ پیام کے سوا
اب کوئی آرزو نہیں، ذوقِ پیام کے سوا اب کوئی جستجو نہیں، شوقِ سلام کے سوا کوئی شریکِ غم نہیں، اب تری یاد کے بغیر کوئی انیسِ دِل نہیں اب ترے نام کے سوا تیری نگاہِ مست سے مجھ پہ یہ راز کھل گیا اور بھی گردشیں ہیں کچھ، گردشِ جام کے سوا کاہشِ آرزو سہی حاصلِ زندگی، مگر حاصلِ آرزو ہے کیا، سوزِ مدام کے سوا آہ کوئی نہ کر سکا چارۂ تلخئ فراق نالۂ صبح کے بغیر، گریۂ شام کے سوا رنگِ بہار پر نہ بھول، بوئے چمن…
Read Moreسید آل احمد ۔۔۔ شب کی آغوش میں سو جاتا ہوں
شب کی آغوش میں سو جاتا ہوں سنگ ہوں موم بھی ہو جاتا ہوں دل کا دروازہ کھلا مت رکھو یاد آنکھوں میں پرو جاتا ہوں جس کے لہجے میں وفا کھلتی ہو میں تو اُس شخص کا ہو جاتا ہوں دن میں سہتا ہوں بصیرت کا عذاب شام کے شہر میں کھو جاتا ہوں میری خاطر نہ تکلف کیجیے میں تو کانٹوں پہ بھی سو جاتا ہوں گاہے اظہار کو دیتا ہوں ہنر گاہے دیوالیہ ہو جاتا ہوں جب بھی بحران کا رَن پڑتا ہے میں تری ذات میں…
Read Moreشاہد ماکلی… مسلسل ایک نئے امتحاں میں رہنے لگا
مسلسل ایک نئے امتحاں میں رہنے لگا جو خود میں رہ نہیں پایا ، زیاں میں رہنے لگا ازل اُلانگ گیا میں ، ابد پھلانگ گیا حدوں کو پھاند گیا ، لا زماں میں رہنے لگا اک انہدام نے دُنیا مری بدل ڈالی مکاں گرا تو میں کون و مکاں میں رہنے لگا دریچہ بند تھا مجھ پر مری حقیقت کا کہانی کھل گئی ، میں داستاں میں رہنے لگا بشر سماجی ذرائع سے کیا جُڑا شؔاہد کہ سب سے کٹ کے مجازی جہاں میں رہنے لگا
Read Moreمبشر سعید ۔۔۔۔ شاخ پہ رنج نمودار نہیں ہو سکتا
کسی منظر نہ کسی جسم کی عریانی سے آنکھ حیران ہے خوابوں کی فراوانی سے جس طرح پیاس میں پانی کا میسر آنا میں تمھیں دیکھ رہا ہوں اُسی حیرانی سے آگ اور تیز ہوا دل کو لُبھاتے ہیں مگر گہے مٹی سے میں ڈرتا ہوں گہے پانی سے باغ میں وقت بِتانے سے یہ ہوتا ہے کہ دل جھومنے لگتا ہے نغموں کی فراوانی سے جہاں رہتے ہیں مرے جان سے پیارے مرشد پیار کرتا ہوں اُسی خطہِ بارانی سے بات دنیا کو عقیدت سے بتاؤ کہ سعید چین…
Read Moreڈاکٹر عابد سیال ۔۔۔ رُکو، وہم و شبہات کا وقت ہے
رُکو، وہم و شبہات کا وقت ہے کہاں جائو گے، رات کا وقت ہے کسی بھاری پتھر تلے دے کے دل یہ تخفیفِ جذبات کا وقت ہے بدلنے پہ اس کے نہ یوں رنج کر یہ معمولی اوقات کا وقت ہے یہ کیا دل میں ریزہ رڑَکنے لگا ابھی تو شروعات کا وقت ہے گلے خشک، پیشانیاں تر بتر عمل کے مکافات کا وقت ہے
Read More