بیت بازی – صفحہ 5

حمایت علی شاعر

ﯾﮧ ﺷﮩﺮِ ﺭﻓﯿﻘﺎﮞ ﮨﮯ ﺩﻝِ ﺯﺍﺭ ﺳﻨﺒﮭﻞ ﮐﮯ ﻣﻠﺘﮯ ﮨﯿﮟ ﯾﮩﺎﮞ ﻟﻮﮒ ﺑﮩﺖ ﺭﻭﭖ ﺑﺪﻝ ﮐﮯ

جادۂ زیست پہ برپا ہے تماشا کیسا دوست بچھڑا ہے ہر اک گام پہ کیسا کیسا

حریمِ ناز میں کیا بات تھی جو راز رہی وہ حرف کیا تھا جو بارِ دگر کہا نہ گیا

تنہائی میں اکثر یہی محسوس ہوا ہے جس طرح کوئی میری طرف دیکھ رہا ہے

جلوہ افروز ہے کعبہ کے اجالوں کی طرح دل کی تعمیر کہ کل تک تھی شوالوں کی طرح

جھک کر سلام کرنے میں کیا حرج ہے مگر سر اتنا مت جھکاؤ کہ دستار گر پڑے

مدینے کا سفر ہے اور میں نم دیدہ نم دیدہ جبیں افسردہ افسردہ قدم لغزیدہ لغزیدہ

آدمی جان کے کھاتا ہے محبت میں فریب خود فریبی ہی محبت کا صلہ ہو جیسے

بے نیازانہ گزر جائے گزرنے والا میرے پندار کو اب شوقِ تماشا بھی نہیں

اے اہلِ وفا دادِ جفا کیوں نہیں دیتے سوئے ہوئے زخموں کو جگا کیوں نہیں دیتے