ہاتھ ہریالی کا اِک پل میں جھٹک سکتا ہوں مَیں آگ بن کر سارے جنگل میں بھڑک سکتا ہوں مَیں مَیں اگر تجھ کو ملا سکتا ہوں مہر و ماہ سے اپنے لکھّے پر سیاہی بھی چھڑک سکتا ہوں مَیں اک زمانے بعد آیا ہاتھ اس کا ہاتھ میں دیکھنا یہ ہے مجھے کتنا بہک سکتا ہوں مَیں آئنے کا سامنا اچھا نہیں ہے باربار ایک دن اپنی بھی آنکھوں میں کھٹک سکتا ہوں مَیں کشتیاں اپنی جلا کر کیوں تم آئے میرے ساتھ کہہ رہا تھا: مات کھا سکتا…
Read MoreCategory: آج کی غزل
کھلا تھا اک یہی رستہ تو اور کیا کرتا ۔۔ سید آلِ احمد
کُھلا تھا اِک یہی رستہ تو اور کیا کرتا نہ دیتا ساتھ ہَوا کا تو اور کیا کرتا بہت دنوں سے پریشان تھا جدائی میں جو اَب بھی تجھ سے نہ ملتا تو اور کیا کرتا نہ کوئی دشتِ تسلی‘ نہ ہے سکون کا شہر اُجالتا جو نہ صحرا تو اور کیا کرتا بشر تو آنکھ سے اندھا تھا، کان سے بہرہ تجھے صدا جو نہ دیتا تو اور کیا کرتا مرے سفر میں مَحبت کا سائبان نہ تھا بدن پہ دھوپ نہ مَلتا تو اور کیا کرتا ترے حضور…
Read Moreبانی ۔۔۔۔۔ چاند سے سارا آسماں خالی
چاند سے سارا آسماں خالی ہر جگہ ہے یہاں وہاں خالی غم کے بے کیف سلسلے ہیں یہاں حادثوں سے ہے داستاں خالی آتشِ گل ہی جب ہوئی کچھ تیز خود کئے ہم نے آشیاں خالی یہ اَنا کیسی درمیاں آئی ہو چلی بزمِ دوستاں خالی آتا جاتا کہیں نہیں کوئی ایک اک راہ بے نشاں خالی کیسے کیسے مقام آئے ہیں میں ہوا ہوں کہاں کہاں خالی اب ہے بانی فضا فضا محروم گونجتا ہے مکاں مکاں خالی
Read Moreاحسان شاہ ۔۔۔ نمودِ صبحِ درخشاں کی آبرو مرا خواب
نمودِ صبحِ درخشاں کی آبرو مرا خواب ہر ایک عہد سے ہے محوِ گفتگو مرا خواب تلاشِ نان و نمک کھا گئی ہے میری نیند بہا کے لے گئی دنیائے آبجو مرا خواب بلا رہی ہے مجھے اپنی اور مقتلِ شب خراج مانگ رہا ہے مرا لہو مرا خواب فصیلِ جبر کی بنیاد تک ہلا دے گا اک انقلاب کی ہو گا کبھی نمو، مرا خواب وہ خواب دیکھ رہی ہیں مری کھلی آنکھیں ہر ایک خواب کی ٹھہرے گا آرزو مرا خواب تو اپنے خواب کے زندان سے نکل…
Read Moreحجرہء ذات میں ہوں اور بہت دیر سے ہوں ۔۔۔ لیاقت علی عاصم
حجرہء ذات میں ہوں اور بہت دیر سے ہوں مَیں حجابات میں ہوں اور بہت دیر سے ہوں مری مٹی ہے عجب پھر بھی مرے کوزہ گر! مَیں ترے ہاتھ میں ہوں اور بہت دیر سے ہوں جیسے اُس زلف کا سایا مرے سر سے گزرا جیسے برسات میں ہوں اور بہت دیر سے ہوں مرے دشمن! تجھے معلوم نہیں ہے شاید مَیں تری گھات میں ہوں اور بہت دیر سے ہوں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مجموعہ کلام: میرے کتبے پہ اس کا نام لکھو رنگِ ادب پبلی کیشنز، کراچی جون ۲۰۱۹ء
Read Moreﺑﻦ ﻣﯿﮟ ﻭﯾﺮﺍﮞ ﺗﮭﯽ ﻧﻈﺮ، ﺷﮩﺮ ﻣﯿﮟ ﺩﻝ ﺭﻭﺗﺎ ﮨﮯ ۔۔۔ غلام محمد قاصر
بَن میں ویراں تھی نظر، شہر میں دل روتا ہے زندگی سے یہ مِرا دوسرا سمجھوتہ ہے لہلہاتے ہوئے خوابوں سے مری آنکھوں تک رت جگے کاشت نہ کرلے تو وہ کب سوتا ہے جس کو اس فصل میں ہونا ہے برابر کا شریک میرے احساس میں تنہائیاں کیوں بوتا ہے نام لکھ لکھ کے تِرا، پھول بنانے والا آج پھر شبنمیں آنکھوں سے ورق دھوتا ہے تیرے بخشے ہوئے اک غم کا کرشمہ ہے کہ اب جو بھی غم ہو مرے معیار سے کم ہوتا ہے سوگئے شہرِ محبت…
Read Moreنگاہ ساقئ نا مہرباں یہ کیا جانے ۔۔۔ مجروح سلطان پوری
نگاہِ ساقئ نا مہرباں یہ کیا جانے کہ ٹوٹ جاتے ہیں خود دِل کے ساتھ پیمانے ملی جب ان سے نظر بس رہا تھا ایک جہاں ہٹی نگاہ تو چاروں طرف تھے ویرانے حیات، لغزش پیہم کا نام ہے، ساقی! لبوں سے جام لگا بھی سکوں، خدا جانے تبسموں نے نکھارا ہے کچھ تو ساقی کے کچھ اہل غم کے سنوارے ہوئے ہیں مے خانے یہ آگ اور نہیں، دل کی آگ ہے ناداں چراغ ہو کہ نہ ہو، جل بجھیں گے پروانے فریبِ ساقئ محفل، نہ پوچھیے مجروح شراب…
Read Moreکاسہ اُٹھائے پھرتے ہیں خیرات کے لیے ۔۔۔ شاہد فرید
کاسہ اُٹھائے پھرتے ہیں خیرات کے لیے کرنا ہے کچھ تو اب گزر اوقات کے لیے پابند کر دیا ہے محبت کے کھیل نے اب اِذن چاہیے ترا ہر بات کے لیے کیا خوب جا نتا ہے طبیعت مری عدو مجھ سے کمک وہ مانگے مری مات کے لیے انکار کرتے کرتے اچانک پلٹ گیا آمادہ ہو گیا وہ ملاقات کے لیے صحرا بھی میرے ساتھ دعا میں ہوا شریک اُٹھے ہیں ہاتھ جب مرے برسات کے لیے پھر اس کے بعد وہ نہیں آیا کہیں نظر شاہد ہمارا ساتھ…
Read Moreہر چیز ہے محو خودنمائی ۔۔۔ علامہ محمد اقبال
ہر چیز ہے محوِ خودنمائی ہر ذرّہ شہید ِکبریائی بے ذوقِ نمود زندگی، موت تعمیرِ خودی میں ہے خدائی رائی، زورِ خودی سے پربت پربت، ضعفِ خودی سے رائی تارے آوارہ و کم آمیز تقدیر ِوجود ہے جدائی یہ پچھلے پہر کا زرد رُو چاند بے راز و نیازِ آشنائی تیری قندیل ہے ترا دِل تو آپ ہے اپنی روشنائی اک تُو ہے کہ حق ہے اِس جہاں میں باقی ہے نمودِ سیمیائی ہیں عقدہ کشا یہ خارِ صحرا کم کر گلۂ برہنہ پائی
Read Moreدل کا ہر ایک ناز اٹھانا پڑا مجھے ۔۔۔ آصف شفیع
دل کا ہر ایک ناز اٹھانا پڑا مجھے اُس بے وفا کی دید کو جانا پڑا مجھے دنیا کو اپنا آپ دکھانے کے واسطے گنگا کو الٹی سمت بہانا پڑا مجھے شہرِ وفا میں چار سو ظلمت تھی اس قدر ہر گام دل کا دیپ جلانا پڑا مجھے صحرا سرشت جسم میں صدیوں کی پیاس تھی دریا کو اپنی سمت بلانا پڑا مجھے دیوانگی کو جب مری رستہ نہ مل سکا سوئے دیارِ عاشقاں جانا پڑا مجھے اقرار کر لیا تھا ہزاروں کے درمیاں سو عمر بھر وہ عہد نبھانا…
Read More