محسن اسرار

کس محبت سے آئے ہیں سیلاب گھر میں ہوتا اگر تو بہتا کچھ

کس سے پوچھوں یہاں پتا اپنا دھوپ کچھ کہہ رہی ہے، سایہ کچھ

تو خود بھی جاگتا رہ اور مجھ کو بھی جگاتا رہ نہیں تو زندگی کو دوسرا قصہ پکڑ لے گا

عجیب عالمِ حیرت ہے کارگاہِ حیات کسی کو دیکھنا چاہا، کوئی نظر آیا

کتنی ساکت فضا ہے دنیا کی مُڑ کے دیکھوں تو حادثہ ہو جائے

ایسا بے چہرگی کا عالم ہے آئنہ ہو تو مبتلا ہو جائے

لوگ کیوں چھپ گئے خدا جانے میں نے تو صرف روشنی کی ہے

فہرست ۔۔۔ ماہنامہ بیاض لاہور اکتوبر 2023

جو بھی دیکھے وہی مشکوک نظر سے دیکھے ایک گالی ہے زمانے میں اکیلا ہونا

اسے بھی میں نے بہت خود پہ اختیار دیے اور اس طرح کہ بہت خود پہ اختیار رکھا