Tag: اظہار

شبِ شعر ۔۔۔۔۔۔۔۔۔ ترے سرخ لب کاٹتا اور مرے زخم زاروں سے ہوتا یہ خط نہ ہو تو شبِ شعر اپنی شبِ خواب سے جا ملے مگر سلامت رہیں چھاتیاں سڑ گیا دودھ جن کا اور آنکھیں جو پتھرا گئیں چاند جو گھٹتے گھٹتے اماوس ہوئے اور کفنائی عمریں جو سوراخ سے تیر کی طرح آتی ہوئی دھوپ میں کب سے مٹی کے ذروں کے مانند کچھ ڈھونڈتی ہیں ۔۔۔۔۔۔۔۔۔۔۔۔۔۔۔۔۔۔۔۔۔

ہوا میں ٹھنڈک بتا رہی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔ ہوا میں ٹھنڈک بتا رہی ہے فراق کی رات آ رہی ہے طویل ہونے لگے ہیں سائے وہ دور جھاڑی سے پھڑپھڑاتا پروں کو نکلا کوئی پرندہ عجیب سا درد، دور، دل میں کہیں اٹھا ہے کہیں کوئی جیسے مر رہا ہے فضا میں واماندہ بادلوں کے غریب ٹکڑے بھٹک رہے ہیں اداس سا ہول زینہ زینہ اتر رہا ہے جدائی تیزاب ہے کہ چہرے پہ جس کے قطرے ٹپک رہے ہیں وہ ایک سورج ہی تھا جو سردی سے جسم میرا بچا…